Sælir félagar,
nú langar mig að leita að gamla bílnum mínum sem ég átti í ca. 8-9 ár og varð að selja, mér til mikilla ama.
Þetta er Amazon 122 S 2 dyra, er einn af síðustu 1000 bílunum sem voru framleiddir, nr 383 þús og eitthvað. Þegar ég sel hann var hann matt svartur með skyggðar afturrúður, allt króm hafði verið tekið af honum (af fyrri eiganda), 2 loftnet voru á sitthvoru brettinu að aftan, rautt leður að innan. Bíllinn var óryðgaður þrátt fyrir háan aldur, þökk sé upprunanum í norður Finnlandi, Lapplandi. Númerið á bílnum þegar ég átti hann var
PF 322.
Ég bjó í Finnlandi í mörg ár þar sem ég keypti bílinn 1993, flutti með mér til Íslands og notaði daglega til 2001 er honum var lagt þar sem ég fluttist til DK.
Bílinn varð ég svo að selja 2004 er geymslustaðurinn sem hann var á datt upp fyrir og ég enn í DK.
Mig minnir að maðurinn sem keypti hann af mér heiti Ásbjörn, (vinur minn sá um söluna þar sem ég var í DK), gæti hafa verið bílstjóri hjá strætó. Með bílnum fylgdi MIKIÐ af vara-/aukahlutum, ss. allir krómlistar, orginal Trelleborg dekk o.m.fl.
Mig myndi MIKIÐ langa til að vita um bílinn, var hann gerður upp, er hann orðin hræ, farinn yfir móuna miklu, og svo mest af öllu, ER HANN FALUR?
Takk fyrir allar ábendingar og hjálp.
(reyni að setja myndir sem fyrst)
með sumarkveðju
Markús B. Jósefsson
Selfoss