spyrnufóðring

[Saab 1972]

Er að skipta um spyrnufóðringu í heimilisbílnum, hún var rifin og járnhringurinn utan um hana var fastur inn í spyrnuauganu og tók það mig nokkrar klst að ná honum úr.Nú er spurningin hvernig er best að setja nýju fóðringuna í ? Þarf ég með þetta í pressu eða þarf eitthvað sérstakt verkfæri í að koma þessu í?



Kristinn Óskarsson

Saab 96 1972

[Gizmo]

Ef þú hreinsar mestu drulluna úr gatinu með fínum sandpappír, setur smá af WD40 eða eh sambærilegt á fletina þá nærðu þessu saman ef þetta er bara lítil fóðring (minni en kannski 30-40mm þvermál) í góðu skrúfstykki . Ef það tekst ekki þá er bara pressa sem dugar.

[oliagust]

Ég hef aðeins verið að skipta um fóðringar með hefðbundnum skúraverkfærum. Til að ná þeim út hef ég hitað gúmmíið til að losa um innri fóðringuna. Hef svo sagað með járnsög gegnum ytri fóðringuna og losað um hana með litlum meitli. Oftast gengur þetta ágætlega ef maður nær að saga nær alveg í gegn án þess að skemma stífuna. Það skiptir mestu að vera með nettan meitil, eða stórt skrúfjárn sem manni er ekki annt um.

Til að setja nýja fóðringu í er ég með bút af voldugum snittteini (sennilega 16mm) og voldugustu skinnur sem ég fann ásamt voldugum róm (langar rær). Þannig get ég pressað fóðringuna inn með tiltölulega auðveldum hætti

[Gaui]

Ég hef útbúið mér sérstakann meitil í þetta:
Veit ekki hvort mér tekst að lýsa honum.
Hann snýr upp á rönd við fóðringuna, í smergeli er slípuð "klauf" í hann svipuð og á klaufhamri, nema miklu styttri.
Raufið er með egg, ýmyndið ykkur skæri, nema miklu brattari ca. 45 gráðu halli eða meir.
Þetta virkar þá þannig, að þegar slegið er í fóðringuna þá lyftist hún örlítið upp þar sem sárið kemur og skerst í sundur, með þessu er maður úr allri hættu með að skemma spyrnuna, þar sem flati (og mjórri) kanturinn á meitlinum hvílir á spyrnunni, skurðurinn fer fram örlítið frá henni.
Ég veit ekki hvort þetta kemur til skila, en sem sagt " V " í meitilinn með egg inn í "V" -inu.
Við að pressa fóðringuna í er ágætt að nota "topp" í svipaðri stærð og fóðringin þar sem oft stendur innri hluti hennar út, og svo endilega nota snitttein í verkið, miklu öruggari með að skemma ekkert.

[Gizmo]

Snitt-teins aðferðin er einnig mjög góð, sérstaklega ef maður notar fínsnittaðan og hertan tein.

[Gaui]

Snitt-teins aðferðin er einnig mjög góð, sérstaklega ef maður notar fínsnittaðan og hertan tein.

Ég segi það, gott að hafa amk. 2 skinnur undir rónni til að mynda legu á milli.