af Gaui » 24 Júl 2012, 07:56
Það er alveg óþarfi að gera lítið úr 40 ára reynslu í svona löguðu. Þetta er mjög þekkt aðferð við alls konar vélar.
Málið er, þegar vél hefur staðið lengi vill sót og óhreinindi verða stamt og festa td. hringi, ef sjálfskiftolía, sem hefur allt annað sýrustig en önnur olía, er látin standa á þessum óhreynindum, þá losar hún um þau, og yfirleitt er það fyrsta sem gerist við gangsetningu er að mikill reykjarmökkur gýs upp þar sem vélin hreinsar sig af sótinu, svo fer auðvitað mikið af því í smurolíuna (skifta mjög fljótt um smurolíur), en það er auðvitað atriði að vélin fái að standa með þessu.
Nokkur dæmi um notkun:
Vann sem bifvélavirki í nokkur ár hjá Ístak, þangað komu oft tæki frá Norðurlöndum sem átti að nota í verk hérna, þessi tæki voru nú ekki í sem bestu ásigkomulagi, lang staðin við misjafnar aðstæður. Stundum var farin fljótai leiðin, sénsinn tekinn, og sett í gang strax. Oftar en ekki sátu menn uppi með brotna hringi, rifna sýlindra og þaðan af verra. Var talið best og öruggast í öllum tilfellum að nota sjálfskiptiolíuna, engin áhætta en ávinningurinn mikill.
Vann sem bifvélavirki á Bílaverkstæði Sambandsins í mörg ár. Í þá daga voru "ráðherrabílarnir" boðnir upp, stundum strákar sem keyptu. Þessum bílum hafði alltaf verið ekið hægt á lélegu bensíni, svo þegar átti að "gefa inn" þá komu stanslausar gangtruflanir. Ódýr og einföld aðferð var að láta vélina hitna vel, hattinn af blöndungnum, látinn snúast á amk. hálfum snúningi, hellt sjáfskiptiolíu í blöndunginn svolitla stund, síðan þangað til vélin kæfði á sér, kertin tekin úr, látin snúast, ný kerti í, gangsett. oftar en ekki eins og klukka á eftir. skipt um olíur og siur, sjálfskipti olía í bensínið í nokkra tanka á eftir 4 - 6%. Ef ástandið var mjög slæmt gat þurft að taka unidirlyftur úr og hreinsa upp (skipt um ef slitnar)
Var í búskap í mög ár. Til að fá örugga gangsetningu á dráttarvélum eftir vetrarstöður, var kjörið að setja vænan "slurk af sjálfskiftiolíu í þann tank sem hún átti að standa með, eitthvað áður en henni var lagt, gangsetning með heilum stimpilhringjum að vori örugg.
Hef svolítið átt við ýmsar smávélar, sumar illa staðnar, alveg örugg aðferð.
Hef sett sjálskiptiolíu saman við diesel olíu í vélar sem hafa haft lélegann gang vegna ýmissa vandræða í olíukerfi, ótrúlegur árangur.
Sjálskiptiolía er hágæða olía, þessu véladrasli er nokkuð sama þó svo það brenni henni með stöku sinnum, en fastir hringir og ventlar eru stórhættulegir við gangsetningu, taktu engann séns á því.
Þessar ráðleggingar gefur þér gamall bifvélavirki, sem hefur "sopið margann sjóinn" í bransanum.
Gangi þér svo vel.
Guðjón.
Ps. Ef um er að ræða eitthert "helvíti" skaltu ekkert vera að eyða tíma í það, hentu því!
GG.
Guðjón Guðvarðarson.
Langar að vita meira.