Að gera upp Rochester Quadrajet

[pallisiggi]

Nú vantar mig svör reynsluboltanna hér, en þeir eru sýnist mér ansi margir

Í Chevroletinum mínum er sem sagt áður nefndur blöndungur.
Í honum eru fastar stilliskrúfur og sjálfsagt eitthvað lélegar pakkningar.
Er einhver að selja varahluti í þessa blöndunga hér á landi eða á ég að versla beint við bandaríkjahrepp?
Einhver?

Ég hef jútjúbað nokkur vídeó um hvað helst getur verið að þessum blöndungum og ég óttast að eitthvað sé að í mínum vegna þess að mótorinn á að gefa frá sér mun meira afl en hann gerir núna.

[admiral]

Hafðu samband við Jeppasmiðjuna á Ljónsstöðum
eins getur þú haft samband við IB á selfossi

kv.Símon

Opel Admiral A 1966

[Gizmo]

ég var með svona á Olds 455 sem ég átti, fékk uppgerðann frá usa, mér fannst hann aldrei virka almennilega. Fékk mér nýjann Holley Street Avenger, dagur og nótt sem skildi á milli. Það hafa orðið talsverðar framfarir í þessu dóti, ég myndi ráðleggja þér að kaupa nýjan frekar en að lappa uppá eh gamalt og sundurtært dót sem verður aldrei 100%.

[Ramcharger]

Q-jet er enginn performance tor. Var með svona á oldsinum mínum (350) og eyðslan var með eindæmum lítil.

[Erlingur]

Ef einhver ætlar að henda Q-jettinum sínum má sá hinn sami endilega láta mig fá hann.
Þetta er með vönduðustu blöndungum sem smíðaðir hafa verið, enda á bókstaflega öllum framleiddum 4 hólfa GM vélum frá '65 til '80, nota bene líka á vélum sem skiluðu alvöru afli. Yfir 100 miljón framleidd eintök. Það er hægt að stilla svona blöndung fyrir nánast hvaða götuhæfa vél sem er.

Af hverju telurðu að blöndungurinn sé sökudólgur í aflmissi? Ef vélin er upprunaleg eða lítið breytt og var með Q-jet eru litlar líkur á að fá skárri blöndung og þú þarft líklega ekki að breyta honum neitt.
Hvernig vél, eitthvað breytt, hvaða kveikja, á hvaða tíma er hún sett, hvað flýtir hún mikið í mekaník gráðum, vaccum gráðum og hvernig er vaccum tengt?

Annars færðu allt í Q-jettinn þinn í ameríkuhreppi. Taktu niður auðkennisnúmerið á honum og pantaðu það sem vantar eftir því, fyllir ekki meira en í umslag og komið eftir nokkra daga.

Fyrir þá sem vilja fara ofan í saumana á hvernig á að tjúna Q-jettinn og hvernig hann virkar, þá er hægt að gúgla 'How to Tune a Q-Jet by Lars Grimsrud' og lesa það plagg.
Svo getur maður líka keypt sér súrefnismæli eins og LM-2 frá Innovate motorsports og notað hann í stillingarferlinu eins og því er lýst í skjalinu hans Lars.