Oddur Pétursson

[Oddur P]

Sælir

Ég ákvað að skrá mig loksins í klúbbinn og spjallið fyrst bíllinn minn telst orðinn fornbíll í dag.

Ég heitir Oddur Pétursson, fæddur árið 1982 og er frá Varmalandi í Borgarbyggð en er búsettur í Hafnarfirði.

Fornbíllinn minn er Volvo 240 DL árgerð 1986 og ber númerið A328. Ég er búinn að eiga þennan bíl síðan í byrjun mars 2007 og var hann þá ekinn 113 þús km. Ég nota þennan bíl bara yfir sumartímann og er hann ekinn 132 þús km í dag. Bíllinn er með 2.3 l mótor með Stromberg blöndungi (B230A) og sjálfskiptingu með OD. Ég er búinn að gera hitt og þetta við bílinn, útlitslega og annað. Bíllinn lítur mjög vel út og er í góðu ástandi.

Einnig á ég Volvo 850 T5 árgerð 1997 station sem minn aðalbíl.

[Siggi Royal]

Velkominn, og til hamingju með mjög svo glæsilegan Volvo.

[Saab 1972]

Fallegur Volvo

[Z-414]

Þetta er flottur bíll, ég átti einn svona DL bíl, finnst þeir eiginlega fallegri með þessum svörtu listum heldur en GL bílarnir með sínum krómlistum en mér sýnist að það sé eitthvað búið krómvæða þennan.
Það er alltaf gaman að sjá að svona falleg eintök séu enn á ferðinni, gamli minn er líklegast farinn í pressuna.

[Oddur P]

Takk fyrir

Já þessi var með svarta lista og grill. Listarnir voru orðnir svo mattir og ljótir að ég setti lista og grill af GLE bíl

[Derpy]

fallegur volvo og Rosalega flott númer ! A-328 er snilld ;D

[Oddur P]

Bíllinn hefur alltaf verið með þetta númer. Fyrsti eigandi bílsins var Jóhannes Eiríksson sem bjó á Akureyri og vann lengst af á Kristneshæli og var oddviti í Hrafnagilssveit. Mér skilst að hann hafi átt fleiri Volvo bíla sem hafi einnig verið með þetta númer.

Konan hans saumaði/prjónaði þetta fyrir kallinn og var þetta alltaf í hillunni og er enn eins og sést á myndinni

[Sigurbjörn]

Flottur bíll hjá þér.

[Ramcharger]

Man að pabbi þinn átti Volvo þegar ég var í
Varmalandsskólanum í den
Þannig að þú hefur kannski erft
Volvodelluna frá hanum

[Mercedes-Benz]

Stórglæsileg Volvo bifreið.. Mér fanst alltaf þessi árgerð eða þetta síðasta útlit vera lansamlega fallegust af þessum 240 bílum. Það er líka þessi litur og þessar felgur. Það er bara eitthvað svo töff við þetta eintak