Sælt veri fólkið
Egill heiti ég og var mér komið hressilega á óvart á sunnudaginn. Félagar mínir höfðu mikið fyrir að koma mér í opna skjöldu með því að gefa mér nýskoðaðan 1986 Toyota Tercel í afmælisgjöf. Það hefur lengi staðið til að fá mér svona bíl til að gera upp og það lítur út fyrir að það verði ekki lengur beðið með það. Minn fyrsti bíll var einmitt Tercel og ástæðan fyrir þessari skrýtnu löngun náttúrulega nostalgía eins og hjá svo mörgum í þessu.
Hann er í ágætis standi, ekinn um 200 þúsund og lítið ryðgaður. Að sjálfsögðu er aðeins komið ryð í frambrettin og það væri vel þegið að heyra í þeim sem veit kannski um ný eða mjög góð bretti á svona bíl. Nú og jafnvel einhverja fleiri varahluti.
kv.
Egill