Nýr hér. 73 Eldorado 500cub

[ívarm]

sælir fornbílakallar, og konur

ívar heiti ég og keypti nýlega gamlann fullvaxta kádilják,

þetta er 73 árgerð af Eldorado Coupe, með 500cid
Dynasty rauður með hvítann vínyll. eldrauður að innan líka.

þetta er "vesturstrandar" bíll var í san diego californiu frá 73-06.
bíllinn er að mér best vitandi allur upprunalegur og óuppgerður, hann hefur verið málaður fyrir mörgum árum. en annað virðist það nú ekki vera. vakti athygli mína að það eru ennþá í honum miðarnir inn í hurðinni með kóðunum og flr, miðarnir undir skottlokinu með leiðbeiningar fyrir varadekksfestinguna og flr

ástand bílsins er afar gott, hann gengur eins og klukka og keyrir og virkar allur mun betur en ég hélt, ég yrði ekki hissa þótt hann væri ennþá á fyrsta hringnum mílumælirinn, það er algjör "unun" aka honum, kom mér skemmtilega óvart hvað hann er hljóðlátur, bæði kram og fjöðrun og innréttingin líka, ekki til vindgnauð frá gluggum.
verandi upprunalegur er hann þó ekkki eins og uppgerður bíll,hann hefur greinilega sólbakast töluvert í gegnum tíðina, en m.v 40 ára upprunalegan bíl er þetta nú ansi gott

bíllinn er með "interior by fleetwood" með aðskyldum stólum fram í. þeir eru svo rafstýrðir og leðraðir, hann er með cruise control,rafmagnsloftneti,samlæsingum, 3punkta beltum, stýrið er adjustable upp/niður, fram/aftur. farþegaspegill stillanlegur frá bílstjóra. afturrúðuhitari. auto miðstöð og loftkæling. stýrið í honum þyngir sig og léttir og flr,



ég stefni á að taka leðrið í honum í gegn í vetur, það er alveg heilt, en smá saumsprettur og má orðið fríska upp á litinn, einnig stefni ég á að taka hurðaspjöldin í gegn, annað þeirra er orðið sprungið v/sólbaksturs, sömuleiðis toppurinn á mælaborðinu, en hann fæst nýr og kostar lítið
panelana aftan í tók ég í gegn um daginn og er afar ánægður með. einnig vantar plöst á bakvið framstuðarann eins og sést á myndunum og 3 felgumiðjur,

mbk
ívar

[JBV]

Bara geggjaður hjá þér Ívar

[svennibmw]

Glæsilegur bíll, það getur ekki annað verið en draumur í dollu að líða um í þessum. Er þetta ekki framdrifinn kaggi svipaður og var í True Romance?.........kveðja svenni

[ívarm]

takk fyrir það kærlega

heyrðu jú þetta er framdrifsprammi,
ég eins og eflaust margir aðrir var ansi skeptískur á þessar framdrifspælingar, þó ég væri ekkert að setja það fyrir mig, en sem benz/bmw maður mikill er ég ansi afturdrifssinnaður

en fyrir vikið verð ég að viðurkenna fannst mér samt lúmskt spennandi að prufa þetta. og eftir að hafa keyrt bílinn orðið töluvert þá er ég orðið ansi fylgjandi því að hann sé útfærður eins og hann er,
eins og þetta flykki keyrir og hegðar sér. og þetta er alveg sannkallað ferlíki, 5.7m langur, tæpir 2.1m á breidd og 2313kg og mjúkt fyrir allann peninginn að þá er alveg að virka fyrir hann að vera "dreginn áfram" í stað þesss að vera ýtt áfram, en það er svo annað mál að maður finnur varla fyrir því að það sé hjól undir honum hvað þá á hverjum þeirra drifið er,

varðandi það að líða um í honum þá er það afar ljúft, ég hef oft heyrt menn tala um bíla sem sófa eða sófasett, en ég hef sjaldan setið í bílsæti sem líkist því jafn mikið að sitja í stofustól frekar en bílsæti og þá meina ég þetta ekki til að mikla þægindi sætisins, heldur eingöngu útfrá því hvorum hlutnum það líkist meira hehe

konan tók video á símann sinn um daginn, vorum á reykjanesbrautinni í hávaðaroki, lelegt sound í símanum, en það heyrist vel hvað hann er hljóðlátur, slökt á útvarpinu, miðstöðin á lægsta
https://www.facebook.com/photo.php?v=10 ... =3&theater

[Sigurbjörn]

Flottur hjá þér,til hamingju

[gmg]

Glæsilegur hjá þér Ívar

[ívarm]

takk fyrir það strákar.

nú fer að líða að lokum þetta sumarið. eknar voru rúmar 1þús mílur og stóð pramminn sig bara ansi vel. eða gott betur en það og klikkaði ekki einu sinni.



ég verð nú að segja að ég man varla eftir öðru sumri þar sem maður hefur verið með "hjartað í brókunum" yfir því að bíllinn sé úti. í staðinn hef ég bónað hann og autosolað stuðarana í gríð og erg í hvert skiti sem þornar, og er bónhúðin á bílnum orðinn svo flott að ég hef veitt því athygli að á ferð í grenjandi rigningu er bíllinn þurr