Ég heiti Benedikt Hans Rúnarsson, er fæddur 1970 og bý í Garðabæ.
Ég hef frá því að ég lauk skóla starfað í upplýsingatæknigeiranum við sölumennsku, ráðgjöf og stjórnun.
Þar sem ég "kann ekki að skrifa stuttar sögur" þá er hér mitt (langa) framlag í þennan þráð:
Þegar ég var krakki fór ég á bílasýningu í Sýningarhöllinni (Húsgagnahöllin í dag). Held að eftir það þá hafi ég fengið varanlega bíladellu . Faðir minn var ökukennari og hafði sjálfur smá bíladellu sem ég hef e.t.v. einnig smitast af. Hann var þó aldrei með neina Benz dellu og hefur aldrei átt Benz svo að ég viti um.
Ég er alinn upp í Breiðholtinu og átti nágranni minn Mercedes Benz Heckflosse sedan sem mér fannst ákaflega laglegur bíll (veit þó ekki hvað varð um þann bíl, líklega endað á haugunum ).
Þegar ég komst á bílprófsaldur fór ég í ökutíma og tók prófið á Benz 190D. Fékk sumarvinnu á framhaldskólaárunum hjá bílainnflytjanda sem átti fullt af skemmtilegum bílum, þ.m.t. Benz 300GE og Benz 500SEC og Cadillac Eldorado blæjubíl. Ég "neyddist" til að keyra þessa bíla nokkrum sinnum, þó stutt væri farið og varð algjörlega "hooked"
"Til að gera langa sögu stutta" þá hef ég lengi haft áhuga á fornbílum, sérstaklega þýskum eðalvögnum og bandarískum frá gullaldarárunum 50-60. Annar nágranni minn í æsku, sem var með verkstæði í bílskúrnum sínum, átti gamlan amerískan kagga með vængjum og bensínlokinu undir öðru afturljósinu. Sem krakka fannst mér þetta vera svalasti bíll í heimi
Aðrir framleiðendur sem ég hef verið sérstaklega hrifinn af (fyrir utan Benz) eru Tucker, Jaguar, Cord og Tatra.
Ég hafði þó ekki sérstaklega hugsað mér að fá mér fornbíl fyrr en ég sá MB Heckflosse Coupé til sölu á bílasölu hérna heima. Hafði ekki tekið eftir 2ja dyra útgáfunni áður og var viss um að fáir slíkir bílar væru til á landinum. Mér fannst þetta boddý ótrúlega fallegt þrátt fyrir slæmt ásigkomulag bílsins. Verðið á þeim bíl var alveg út í hött að mínu mati m.v. það ástand sem hann var í (og er að ég held því miður enn, stendur úti alla daga, allt árið í kring ) og gleymdi ég þessu. Eftir að ég var loksins kominn í eigið húsnæði með bílskúr þá fann ég fyrir tilviljun svona bíla til sölu á eBay fyrir fínan pening (og gengið gott ). Ég spurði frúnna hvað henni fyndist og hún sagði að hana hefði alltaf langað til þess að eiga "sparibíl" í bílskúrnum. Einhvern gamlan flottann, s.s. vængjaðann amerískan eða t.d. Jagúar. Ég sýndi henni Coupé bílinn og henni fannst hann mjög flottur. Í framhaldi hófst leit á netinu, setti mér markmið um að verðið mætti ekki fara yfir ákveðna upphæð kominn til landsins og byrjaði svo að bjóða í bíla á netinu. Að lokum náði ég einum sem var gangfær á viðráðanlegu verði.
Þegar ég var búinn að fjárfesta í gripnum þá kíkti ég inn á fornbílaspjallið í fyrsta skipti og viti menn... sá að það væri Benz klúbbur starfandi á Íslandi. Skráði mig í klúbbinn og komst svo að því að það væru 3 svona bílar til á landinu, einn í uppgerð hjá Rúnari Sigurjóns, einn stendur úti og grotnar (sá sem ég sá til sölu á sínum tíma) og svo sá sem ég flutti inn.
Hér eru myndir af bílnum sem ég flutti inn. Vonandi verður hann aftur álíka flottur og hann var daginn sem hann kom af færibandinu
Þetta er Mercedes Benz 220SEb Coupé (W-111 - Heckflosse/Fintail) með 2.2 lítra, 120 hestafla, 6 cyl. vél með beinni innspýtingu og 4ra þrepa sjálfskiptingu.
Bíllinn kom þó víst ekki á götuna fyrr en 1967 skv. upplýsingum frá Ræsi úr gagnabanka Daimler-Chrysler. Þetta er Evrópumódel sem hefur verið flutt inn til Bandaríkjana en því miður fékkst engin saga með bílnum. Mælirinn segir aðeins 36 þús. km. svo hversu mörg hundruð þús. km. er búið að aka honum er mér ekki ljóst.
Við heimkomuna kom í ljós að það þurfti að gera heilann helling fyrir þennan bíl til þess að koma honum í fullkomið lag. Var ekki skoðunarhæfur þó svo að kramið virðist vera að mestu leyti í lagi. Mjög svo þægilegt að keyra hann, skipti sér eðlilega og bremsur virkuðu eins og þær áttu að gera
Gera þarf allt upp að innan, sætin og innrétting illa farin, hefur verið of lengi í sólbaði í Kaliforníu
Þá finnst mér liturinn ekkert spes...
Viðbót maí 2010
Ég er búinn að selja Benzann. Hafði ekki tíma né almennilega kunnáttu til þess að gera hann uppp eins og metnaðurinn sagði til um.
Maður getur komist langt á metnaðinum en hann dugar ekki þegar kunnáttan er ekki almennilega fyrir hendi
Þar sem bíllinn hentar ekki sem fyrsta verkefni ákvað ég að láta hann frá mér og er ég mjög ánægður með að hann lenti í góðum höndum hérna á klakanum. Þurfti ekki að selja hann úr landi
Ný eigandi er Gunnar Örnm "a.k.a." Gunni rafvirki, og veit ég að hann hefur metnað, getu og áhuga á verkefninu. Verður þessi bíll því örugglega kominn á göturnar fyrr en síðar
Viðbót maí 2010
Tók Daihatsu Charade XTE Coupé 1982 upp í Benzann af Gunnari Erni.
Daihatsu Charade XTE
Akstur : um 42.000km (rétt innan við það meir að segja þegar ég fékk hann)
Fyrri eigandi, Gunnar Örn, eignaðist bílinn 2005 og tók hann hressilega í gegn. Hægt er að skoða nokkrar myndir um uppgerðina á þessari Cardomain síðu.
Kramlega var allt í bremsum endurnýjað, ný rör, dælur teknar upp, nýjar dælur að aftan, nýir diskar að framan og nýjir klossar og borðar. Nýir gormar og demparar að aftan, nýir demparar að framan.
Þessi bíll er svo lítill og nettur að hann er "álíka stór" og krumpusvæðið á gamla Benzanum
Enda virkar "geymslan" eins og bílskúr í dag og með Charade-inn inni þá fær maður nánast víðáttubrjálæði
Hér eru nokkrar lélegar myndir sem ég tók á nýja Gemsann minn (þarf klárlega að læra betur á hann )
Kýraugað er auðvitað bara "trade mark" fyrir þessa bíla
Bíllinn er rétt tilkeyrður :tumbsup: