Hver ert þú ?

[ADLERINN®]

Ég var að spá hvað það væru margir sem eru að kíkja á spjallið.
Það væri gamann að menn myndu kynna sig,segja hvar þeir eru staðsettir og eins hvað menn starfa við.






http://www.facebook.com/home.php?#!/pro ... 086&v=wall

[Sigurbjörng]

Sigurbjörn Gunnarsson heiti ég og er 28 Akureyringur búsettur borginni. Á engan fornbíl en er alltaf að leita. Hef mestan áhuga á að eignast jeppa en annar eru það nú helst evrópskir bílar sem heilla mig, t.d. Lada 1500

Búin að vera búsettur í Reykjavík í 4 ár

Er að læra tæknifræði í tækniháskólanum (Háskólinn í Reykjavík)

Þetta er besta myndin og sú eina sem fann af mér og núverandi trilli tæki.

ISUZU GEMINI LT 1.5 árgerð 1989
Sjaldséðir gæða gripir og ef einhver veit um hræ eða varahluti má hann endileg láta mig vita.

En þetta er sambærilegur bíll

[Imperialist]

Jájá, alveg óþarfi að pukrast...ég hef verið svo mikið á spjallinu hér undanfarið að ég get alveg sagt einhver deili á mér.
Ég heiti Gunnar og ég er fornbílafíkill. Ég hrífst mest af stærri gerðum amerískra bifreiða, einkum frá Chrysler og undirgerðum þess framleiðanda, forðum tíð átti ég einn slíkan sem er eflaust kominn fyrir löngu á stóra bílaplanið á himnum. En allir fornbílar heilla mig, flottur Skódi eða Escort getur alveg eins komið mér úr jafnvægi eins og einhver drekinn. Ætli þetta sé ekki allt tengt minningum úr barnæsku.

Gunnar S. Valdimarsson
Reykjavík
Orkuveita Reykjavíkur, eftirlit

[firebird400]

Agnar Áskelsson

28 ára

Húsasmiður

Keflavík

1968 Pontiac Firebird 400

Ég og litla frænka mín á afmælisdaginn okkar



Og svo sá gamli.

[Sigurbjörn]

Sigurbjörn Helgason

Póstbílstjóri

Bý í Reykjavík og er 42 ára.
Hef haft fornbílaáhuga frá barnsaldri og var farinn að spá í þá löngu áður en klúbburinn var stofnaður
Búinn að eiga þennan frá því ég var 17 ára.

[Eldorado]

Atli Jarl Martin heiti ég og erfði óstöðvandi Cadillac dellu frá föður mínum sem hefur átt eina 10-11 Cadda árgerðir '55 - 98.
Ég var að eignast minn fyrsta Cadillac sem er Eldorado '67.

Ég er 33 ára og er Gámavallarstjóri hjá Samskipum.

[HafthorR]

Ég heiti Hafþór R. Sigurðsson ég starfa sem sölumaður Hjá bílanaust.

[Ásgrímur]

Ásgrímur Þórhallsson "84
Er með delluna í blóðinu, og hef gaman af öllum gömlu mekkónísku drasli.
er nemi í myndlist og er búsettur á Akureyri þessa stundina.
Hef einstaklega gaman að bílum sem vekja blendnar tilfinningar náungans

Núverandi verkefni er "77 amc gremlin



svo á ég einhverstaðar plymouth "66 sem ég átt síðan ég var 16 ára, og bíður hann þess bara að ég vitji hans með almenna reynslu í pokahorninu.

[Þorkell]

Þorkell Hjaltason bifvélavirki og bý í Reykjavík.Hef mikinn áhuga á gömlum bílum og traktorum og fleiru. Á nokkra gamla jeppa og slatta af traktorum uppgerða og óuppgerða

[gmg]

Gunnar Már Gunnarsson húsasmiður og málari 36 ára forfallinn Benz-sjúklingur !

[Ingi Hrólfs]

Þetta líst mér vel á og ég hef aldrei skilið hvers vegna menn eru að skrifa undir dulnefni.
Ég heiti Ingvar Hrólfsson og er víst 41 árs vélsmiðjukall og bý í Grundarfirði.
Konan mín segir að ég sé ekki einungis með bíladellu eða mótorhjóladellu heldur farartækjadellu og ég reyni ekki að þræta við hana um þetta. Töpuð orusta er töpuð orusta.

K.v.
Ingi Hrólfs.

[Frank]

Frank Höybye heiti ég og er 27 ára og bý í Hafnarfyrði, og hef mikinn áhuga á flestu sem að mótor er í, enn sérstaklega þó gömlum bílum. Ég starfa í bílabransanum, og aðalega þá við að selja bíla.

Ég og Adam sonur minn

[Mercedes-Benz]

Rúnar Sigurjónsson heiti ég og er 33 ára vélvirki og er fæddur og uppalinn Reykvíkingur.
Ég starfa í varahlutadeild Bílaumboðsins Öskju.
Ég hef það frá föður mínum að vera mikill Mercedes-Benz áhugamaður,
en þegar ég var smástrákur átti hann alltaf svoleiðis bíla.

[Gizmo]

Ég heiti Bjarni Þorgilsson og er fæddur og uppalinn í Reykjavík en bý nú í Hafnarfirði

Ég er á 38. ári, og á son og dóttur.

Ég starfa hjá Örmum við viðgerðir og annað sem til fellur þar og hef starfað hjá þeim í nokkur ár.

Bíla og tækjadella hefur alltaf verið til staðar og hef ég það ekki frá neinum ættmennum. Sonur minn er kominn með delluna og dóttirin er alveg að detta í gírinn...

[Moli]

Ég heiti Magnús Sigurðsson, er að detta í 25 ára aldurinn. Fæddur og uppalin í Reykjavík.

Starfa sem utanbæjarbílstjóri hjá Ölgerðinni Agli Skallagríssyni og færi gosþyrstum landsmönnum úrvals mjöð og gos.

Hef haft fornbíladelluna í mér frá unga aldri og mun hún vonandi aldrei hverfa. Ég á einn 2 1/2 gamlan strák sem hefur meiri dellu en ég og kalla ég það bara nokkuð gott!