Hver ert þú ?

[Gunnar Örn]

Ég heiti Gunnar Örn er 38 ára, á fjögur börn og er sjálfstætt starfandi Rafvirkjameistari hér í Reykjavík þar sem ég er uppalinn.

Pabbi var nú alveg laus við bíladellu, og reyndi meir að segja að hjálpa mér að losna við hana( bíddu bara með að kaupa þennan, þetta jafnar sig allt saman)?.

En ég er nú samt töluvert ílla haldin af henni, þó sérstaklega smábílum.

[Arnar Kr]

Arnar Kristjánsson heiti ég 32 ára Akureyringur og hef mikinn áhuga á gömlum amerískum bílum og hef haft það frá fæðingu.
Pabbi átti 55 letta fyrstu 6 ár ævi minnar og sá bíll kveiti bílaáhugann hjá mér.
Ég á chevrolet bel air 56 sem ég eignaðist 14 ára gamall sem ég gerði upp og kom á götuna 2003. Nú er ég að gera upp 2 dyra chevy novu 73.
Einnig hef ég áhuga á motorhjólum.

[ztebbsterinn]

Stefán Örn Stefánsson heiti ég, er bifreiðasmiður að mennt og vinn við það.

Er fæddur og uppalinn í Kópavoginum en flutti vestur á firði vorði 2004 til tilbreytingar.

Hef verið alinn upp í bílskúrum nágrana minna frá 3 ára aldri, er nú á því 26.

Nýir bílar heilla mig ekki mikið, er dálítill nostalgíu kall.


Flotinn:

Delorean 1981 ekinn 8.000 mílur

M.Benz 300GD 1986 Ekinn 130.000 km.

M.Benz 230C 1980 ekinn 170.000 km.

M.Benz 230E 1984 ekinn 376.900 km.

[Blái Trabbinn]

Jón Baldur heiti ég víst og er 19 ára reykvíkingur og er wannabe bílamálari en vinn sem símadama hjá domino's pizza
og ég er með bíladellu á háu stigi og my ultimate dream car er 59 caddilac með blæju og hvítu og rauðu leðri eða appelsínugulur trabbi með blæju og svörtu leðri
en annrars heilla allir bílar mig og ég reyni ekki að festa mig við einhverja eina tegund eða einn stíl

og svo er þetta stóra ástin í lífi mínu



og þetta dollan sem að ég neyðist til að keyra á hverjum degi



og svona lít ég víst út

[sveinn]

Sveinn Þorsteinsson heiti ég, 45 ára og starfa við hugbúnaðargerð. Bílar frá sjötta og sjöunda áratuginum hafa alltaf heillað mig, sem líklega er það vegna þess að á þeim árum var ég lítill gutti og flottustu bílana á þessum tíma langaði náttúrulega öllum í. Ekki síst stráklingum eins og mér.

Ég man eftir sjálfum mér sem 10 ára polla, sitjandi aftur í þeim bíl sem ég á í dag, horfandi í kringum mig segjandi við sjálfan mig; “þennan bíl ætla ég einhvern tíman að eiga!”. Eitt það skemmtilegast við að finna bílinn svo aftur var að opna öskubakkann afturí og finna þar knallettur eftir sjálfan mig! Gamlir bílar eru fortíðarrómantík!

Hér eru undirritaður og þráhyggjan. Mercedes-Benz 300SEL 6.3, á ferð:



Þetta er líka áhugamálið:
Gamlir íslenskir Benzar

[Óli Kol]

Ólafur Kolbeinsson heiti ég og er bílstjóri fæddur árið 1964 og er því 42 ára.
Áhugi minn á bílum er í genunum eins og hjá mörgum körlum og byrjaði hann kannski fyrir alvöru þegar ég var 16 ára og gerði upp minn fyrsta bíl (VW bjalla árg,1968) og síðan hef ég verið að dúttla eitthvað inní bílskúr með hléum náttúrulega, mitt síðasta afrek var að gera upp M-Benz 280 SE árg.´71(M-51)Mynd: Tekin við Perluna í mars 2006.

[Þröstur]

Sælir verið þið drengir og sælar stúlkur.

Ég heiti Þröstur Harðarson og er matsveinn í Hagaskóla, gítarleikari og spila í hljómsveit í Oddfellowhúsinu um helgar, furðufugl og bý í Hafnarfirði. Ég er giftur og á tvö börn með sömu konunni. Bíllin sem ég á
er frá árinu 1930 og heitir Lincoln 7pass Sedan Model L

Kveðja
Þröstur

[goggith]

Heil og sæl forbílakarlar og - konur.

Ég heiti Georg Theodórsson árgerð 1955 (árið sem allt það besta var framleitt í heiminum)

Er sjálfstætt starfandi húsasmíðameistari og hef áhuga á fornbílum og ljósmyndun. Sérstakan áhuga hef ég öllu því sem tengist sögu bílsins s.s. fyrstu akfæru vegina og gömlu brýrnar.

Hef verið félagi í klúbbnum frá fyrstu dögum hans og telst vera stofnfélagi nr. 57. Hef gegnt trúnaðarstörfum fyrir klúbbinn, sat í stjórn félagsins í nokkur ár og var um tíma í allflestum nefndum (nefndarfíkill).

Ég á Standard Eight 1946 sem ég byrjaði að gera upp 1989 og hef hug á því að fara að klára gera hann upp áður en hann gerir mig upp.




Kveðja
Georg Theodórsson (Goggi)

[Mercedes-Benz]

Ég á Standard Eight 1946 sem ég byrjaði að gera upp 1989 og hef hug á því að fara að klára gera hann upp áður en hann gerir mig upp.

Já mér finnst að þú ættir að fara að bretta upp ermarnar og drífa í þessu. Það er mörgum manninum farið að langa til að sjá þennan bíl.

[Sigurbjörn]

Já,það eru allnokkrir sem vilja sjá þennan bíl aftur í ferðum klúbbsins

[bjoggi_ford]

Góðann daginn Björgvin helgi heiti ég og er valdimarsson og er fæddur á því herrans ári 1987. ég er með bullandi áhuga á bílum en sérstaklega fornbílum og þar er ford í mestu uppá haldi en ég á eiinn nuna FORD LTD 1978 og á lika einn mitsubishi Galant árgerð 1980 og ég er fæddur og búsettur á akureyri og minn heitasti draumur frá barns aldri er að eignast annað hvort Ford Mustang árgerð 1969 mach-1 eða ford a árgerð 1929 eins og ingólfur kristjánsson (afi) heitinn átti en er staddur á safni nuna

[goggith]

minn heitasti draumur frá barns aldri er að eignast annað hvort Ford Mustang árgerð 1969 mach-1 eða ford a árgerð 1929 eins og ingólfur kristjánsson (afi) heitinn átti en er staddur á safni nuna

Þetta hef ég alltaf sagt að fornbílaáhuginn er í genunum. Það þarf ekki erfðargreiningarbatterýið hans Kára til að segja okkur það.

[burgundy]

Stefán Örn Stefánsson heiti ég, er bifreiðasmiður að mennt og vinn við það.

Er fæddur og uppalinn í Kópavoginum en flutti vestur á firði vorði 2004 til tilbreytingar.

Hef verið alinn upp í bílskúrum nágrana minna frá 3 ára aldri, er nú á því 26.

Nýir bílar heilla mig ekki mikið, er dálítill nostalgíu kall.


Flotinn:

Delorean 1981 ekinn 8.000 mílur

M.Benz 300GD 1986 Ekinn 130.000 km.

M.Benz 230C 1980 ekinn 170.000 km.

M.Benz 230E 1984 ekinn 376.900 km.

hvar náðirðu í DMC de lorean bílinn?

[ztebbsterinn]

hvar náðirðu í DMC de lorean bílinn?

Af Sindra Stáli, þetta er sá eini á landinu.

[landi]

halló ég heiti Jónas Davíð og er 17 og á heima á út í sveit rétt hjá Akureyri og á 1966 Ford Bronco með vini mínum sem við eruma að gera upp sem gengur bara ágætlega.
bíladelluna fekk ég að mestu frá pabba mínum sem er lærður vélvirki og nú er ég að læra bifvélavirkjann í Verkmentaskólanum á Akureyri.
þar er bísna brösuleg aðstaða en svo það á kannski að fara kenna verklega partin í brimborg hef ég heirt.
pabbi minn átti 1966 ford mustang en mig dreymir um 1969 mustang boss 429.
ég er allgjör mustang aðdáandi en er líka mikið í öðrum bílum.
eg er ekki voðalega mikið fyrir nýju bílana sem eru á markaðinum, allt of tæknilegir.svo ég held mig við gömlu góðu bílana.