af Siggi Royal » 13 Júl 2008, 23:03
Ekki tala illa um Skodann, hanner líklegast einn misskildasti bíll, sem fluttur hefir verið til Íslands. Vinnufélagi minn átti svona bíl og hann var svona, eins og þið lýsið. Það voru yfirleitt tveir eða þrír aftan á honum í lok vinnudags. Á kvöldin var honum lagt í langa brekku, svo hann færi gang á morgnana. Á endanum eignaðist ég bílinn fyrir andvirði eins bjórkassa. Þá hafði honum verið ekið 42þús.km. Ég setti í hann nýjan rafgeymi, kerti, platínur, kveikjulok og þræði, hreinsaði torinn og sitthvað fleira. En viti menn hann breyttist ekkert. Hann fór bara ekki gang hjálparlaust, kaldur. Nú voru góð ráð dýr, Verð Skodans var nú komið upp í 4 bjórkassa. Manualinn, hvernig væri nú að lesa hann. Og viti menn þar var kafli, sem hét "How too start the engine cold". Og þar stóð setjið innsogið á og stigið inngjöfina einu sinni niður 1/4, "DONT PUMP". Og ef bíllinn hefur staðið meira en sólarhring, farið þá aftur í og handdælið bensíninu upp í torinn. Já Skoda var með handdælu, gott ef maður varð bensinlaus. Eftir þetta fór hann alltaf í gang hvernin sem veðuraðstæður voru, og hversu lengi hann hafði staðið. Við áttum saman þrjú góð ár og 46þús km, sem aldrei bar skugga á. Ég fór með hann, eins og manualinn sagði og hann fór mig með þangað, sem ég þurfti að fara. Ég skal alveg viðurkenna að oft á tíðum, þegar ég er að lenda í vanda með suma af þessum nútíma elektrónísku, tölvuvæddu bílum, þá sakna ég gamla Skodans og þess persónulega sambands, sem við áttum.
Sigurður Rúnar Magnússon Sími: 615-7116
fairmont ghia 79
cj2a 46
cj6 64
