Gunnar Örn skrifaði:Ein spurning þessu máli tengdu: Þeir menn hér sem hafa lánað þessum köppum bílana sína, hafa þeir fengið borgað fyrir það eða hvernig hefur það gengið fyrir sig?
Ég hef heyrt að þessir kvikmyndagerðarkallar hafi aldrei aur til að nota í props eins og bíla og væli þá þar með út fyrir ekki neytt og skili þeim jafnvel ekki heilum eftir tökur?
Ég veit þó vel að þessi bransi á íslandi er ekki mjög fjársterkur en gaman væri að forvitnast um hvað þið hafið lent í.
Pabbi lánaði Citron CX líkbíl sem hann var ný búinn að kaupa til þeirra Stuðmanna. Það var bara gerður samningur og hann fékk helminginn fyrirfram og afganginn þegar þeir skiluðu bílnum. Og ekki nóg með það heldur fékk hann bílinn ný bónaðan og fullan af bensíni til baka þrátt fyrir allar hrakspár hjá vinum hans. Hann varð nú ekkert ríkur á því en mjög sáttur við þessi viðskipti sín. Og rúsínan í pylsuendanum var svo að bílinn kom alveg heill heim en það stóðst allt sem Stuðmenn sögðu.
En að vísu fékk hann símhringingu frá lögreglunni meðan hann var í láni og það um miðja nótt (hálf 3)og var spurður hvort að hann ætti viðkomandi bíl. Jú hann sagði svo vera. Þá var hann spurður að því hvað hann væri að meina með því að skilja bílinn eftir við kirkjugarð í Reykjavík, með líkkistu hálfa út úr bílnum. Þá hafði verið hringt í lögregluna og þeir beðnir að athuga með bílinn en hann stóð opinn og prúðbúinn þarana við kirkjugarðinn. Pabbi útskýrði hvernig lá í öllu og hafði bara mjög gaman af.