cortina skrifaði:Flotur Bíll
en Myndirnar eru
af Cortinu taunus er
ekki með svona aftur ljós
og ekki með svona grill
og stefnuljós að framan
svo eru stöðararnir á
Taunus með plas hornum
sem ná út á brettin
KV.Símon
Broncorússi 1972
Ford Cortina mk.3 1973
Símon, ég veit hvað þú ert að tala um en það er ekki alveg rétt hjá þér, þú ert að tala um Taunus eftir 1979-80.
Smá Cortinu-Taunus sögustund:
Fyrir 1970 voru Taunus og Cortina algjörlega óskyldir fyrir utan að vera frá Ford. Í kringum 1970 stokkar Ford verulega upp framleiðsluna hjá sér og á markaðin kemur svokallaður Taunus/Cortina TC. Í Bretlandi var þessi bíll nefndur Cortina Mk3 en annarstaðar í Evrópu Taunus TC eða TC1 stundum kallaður Knudsen-Taunus eftir einum af yfirmönnum Ford. Þessir bílar voru í grundvallaratriðum eins þó að það væri talsverður útlitsmunur, t.d. hafði Taunus ekki "kókflösku" línuna sem Cortina hafði á afturbrettunum. Af einhverjum furðulegum ástæðum fengu Íslendingar ekki Taunus eins og aðrar þjóðir með hægri umferð heldur Breskar Cortinur en með stýrið vinstra megin eins og Taunusinn.
1976 kemur ný útgáfa af báðum bílunum með að miklu leiti sama undirvagni og áður en mikið breittu útliti og núna eru báðir bílarnir nánast upp á skrúfu eins, í Bretlandi eru þeir nefndir Cortina Mk4 og annarstaðar í Evrópu Taunus 2 eða TC2 en ennþá er sú einkennilega staða að Íslendingar fá umbreittar Cortinur með vinstrihandar stýri frá Bretlandi. Þessi Taunus er sá bíll sem ég var að kaupa. Eini verulegi munurinn milli Taunus og Cortinu var að ef þeir voru með 2 lítra vélum notuðu Bretar 4 sílendra 1993cc "Pinto" vél á meðan Taunus var með V6 1998cc "Cologne" vél (nema "2.0S" útgáfan sem var allstaðar með "Pinto" vélina sem var öflugri en V6-an) og Cortina var bara til 2-dyra í ódýrustu útfæslunum (nema á Íslandi) á meðan Taunus var til 2-dyra í öllum útfærslum. Frá árgerð 1977 var hægt að fá báða með 2.3L V6 "Cologne" vél
1980 kemur síðan síðasta útgáfan af þessum bílum og nú bregður svo við að Íslendingar hætta að fá Cortinur og fara að fá Taunus og þar er kominn bíllinn sem "cortina"(Símon) er að tala um. Undirvagnin er sá sami og boddí svipað en svolítil breyting samt. Gluggar eru stærri, ljós, grill og stuðarar öðruvísi og eitthvað fleira. Áhugafólk um þessa bíla kallar þá Cortina Mk5 og Taunus 3 eða TC3 en Ford notaði það aldrei heldur kallaði þá Cortina '80 og Taunus '80 sem bendir til að þeir hafi litið á þennan bíl sem andlitslyftingu en ekki nýja útgáfu. Í Evrópu var hætt að framleiða þá 1982 en þeir voru framleiddir í Argentínu eitthvað lengur og í Tyrklandi vel fram yfir 1990.
Ég átti á sínum tíma Ford Cortinu 2.0S árgerð 1977 (seldi hana og keypti síðan aftur seinna) og græt það alltaf að hafa ekki varðveitt hana. Hún var orðin svolítið lasin (riðguð og með bilaða vél) þegar ég hætti að nota hana en hefði samt auðveldlega verið hægt að gera hana upp. Ég man bara eftir einum öðrum svona "S" bíl á Íslandi og sá var eiturgrænn (signal green), hugsamlega hafa þær þó verið fleiri.
Ef hún væri til væri hún væntanlega eina 2-dyra 2.0S Cortinan sem til væri en í Bretlandi er talið að aðeins séu til séu 12-15 svona 2.0S og 2.3S bílar og allir 4-dyra.
Hérna er mynd af þessum eðalvagni: