Sé að ég hef ekki útbúið þráð hér um einn af bílunum mínum.
Þetta er Benz 300D árgerð 1977 sem ég eignaðist um mitt sumar 2009.
Hann hefur alist upp á Akureyri og nágrenni frá því hann var nýr.
Að sögn var hann leigubíll fyrstu 5 ár ævi sinnar eða til 1982.
Í kringum árið 1998 verður hann vélarvana og honum lagt úti á túni þar sem hann stóð í um 7 ár.
Þegar að það átti að fara að farga honum þá kaupir gamall eigandi hann aftur og fær í hann annan mótor og kemur honum á götuna á ný. Hann á bílinn í nokkur ár þar til að ég kaupi hann eftir að hafa séð hann auglýstan á auglýsingarvef Fornbílaklúbbsins.
Ég hef notað þennan bíl mikið og verið að ditta að hinum smátt og smátt.
Svona leit hann út þegar ég eignast hann:
Hann er svona skemmtilega marglitur á vinstri hlið, ein 3 til 4 afbrigði af litnum á einni og sömu hliðinni.
Ég byrjaði á því að taka gangverkið aðeins í gegn, skipta um glóðarkerti, síur og þess háttar ásamt því að laga rafkerfið aðeins til.
Hann var búinn að vera að smita hráolíu úr lögnum neðan úr tankanum í einhvern tíma. Það var hreinsað upp og skipt um allar slöngur við tankann.
Hann er mjög heill af ryði, hér má sjá nokkra staði sem oftast eru ryðgaðir í þessum bílum:
Það eru nokkrir staðir sem eru ryðgaðir og er ég hræddur um að staðan úti á túni í 7 ár hafi haft eitthvað með það að segja.
Hér er ryð neðan í brettum og fremst í sílsum:
Aftan í sílsum:
Góður hægra megin:
Svo eru smá blettir hér og þar.
Ég er aðeins byrjaður að ryðbæta og byrjaði ég á því sem var verst:
Svo fékk ég honum númer sem fer honum vel:
Svo lenti hann í því að það var bakkað á hann, en ég er kominn með hurð sem er góð:
Í haust gaf ég honum nýjar hosur og pakkdósir í drif:
Þessar gömlu voru orðnar þreyttar:
Enda síðan 1977:
Nú seinnipart föstudags og í gær tók ég hjólastellið í gegn öðru megin að framan:
Eins og maðurinn sagði, góðir hlutir gerast hægt