Var aðeins að glugga í myndasafnið hjá mér og rakst á nokkra bíla sem ég hafa orðið á vegi mínum s.l. 4-5 ár. Mest eru þetta myndir úr miðbænum hvar ég þvælist um dags daglega vegna vinnu minnar, en einnig slæðast með myndir úr nærsveitum...já og víðar.
Þar sem ég er mikill aðdáandi Benz, þá fór þessi stórglæsilegi W201 ekki fram hjá mér, er ég átti leið um Litlu-Hringbraut í júní s.l.. Einstaklega vel uppgerður og fallegur pre-facelift 190 bíll.
Þessa tveir Peugout bílar voru á Sólvallagötunni nú í ágúst.
Þessi MMC Galant var í Flatahrauni í Hafnarfirði fyrir 2 árum
Mazda 323 ca 1981 model. Mynd tekin á Skúlagötunni fyrir þremur árum. Sá þennan núna nýlega á ferðinni.
Þessi Corolla hefur nokkrum sinnum verið til umræðu á þessu spjalli. Myndin þar sem hann er á númerum var tekin fjórum eða fimm árum í Bergstaðarstræti. Hinar myndar eru teknar af honum númerslausum á Njálsgötunni fyrir tveimur árum að mig minnir. Hef ekki séð hann síðan.
Þessari Toyota Cresidu bregður stundum fyrir á Grettisgötu/Barónsstíg. Mynd tekin fyrir ca tveimur árum.
Náði mynd af þessari Lödu 1200 hjá Landsbankanum í Hamraborg s.l. vetur. Aldraður bílstjórinn bar þess merki að hafa átt þennan frá því að Ladan var keypt ný frá Bifreiðum og Landbúnaðarvélum.
Önnur Lada. Sport bastarður fyrir utan Öskju fyrir nokkrum árum.
Það muna eflaust margir eftir þessum Volvo 164 bílum. Þessi var í Skaftahlíðinni fyrir 5 árum. Hef ekki séð hann síðan.
...og annar Volvo til viðbótar. Mynd tekin í Ármúlanum fyrir 5 árum. Man ekki undirtegundar heitið á þessum.
Renault 11 Turbo árg 1987 að mig minnir. Gríðarlega sprækurog skemmtilegur bíll á sínum tíma. Hafði m.a. XR3i í kvartmílunni. Þessi var auglýstur til sölu á Blýfæti fyrir nokkrum árum, þá ekinn aðeins um 40.000 km. þarfnaðist þá einhverrar lagfæringar. Veit ekkert hvað af honum varð. Mynd tekin í Skipholti fyrir 4-5 árum síðan.
Frambyggður Rússi. Mynd tekin á Siglufirði fyrir 5 árum.
Þá var hann til sölu.