Fornbílaklúbbur Íslands - Spjall

Já þessi hvíti sem ég fékk í haust og ætlaði að rífa er kominn í slipp inní skúr, byrjaður að rífa, ryðbæta og sandblása, hann er kominn á önnur dekk og er ökufær, draumurinn er að koma honum í gagnið á þessu ári en það getur breyst... myndir koma seinna af ferlinu en myndir af bílnum síðan í haust eru í almenna spjallinu... kveðja svenni

Flott framtak

Ef þú getur gert hann upp þá getur þú allt he he he ég skora á þig að gera bíl úr þessu

Ég verð nú seint talinn snillingur í ryðbætingum en bíllinn er bara betri en maður hélt þó að náttúran hafi reynt að granda honum á þeim 20 árum sem hann stóð úti á túni.... ef hann hefði fengið að standa inni þennan tíma væri ég búinn að koma honum á götuna
kveðja svenni

Hægri framhurð að verða tilbúinn, bremsudælur framan í fíneseringu, tveggja stimpla dælur og bara einn af fjórum stimplum fastir hjólalegur frekar þurrar en samt í lagi með innri legur og pakkdósir, er ekki buinn að skoða bremsur aftan, bremsuklossar framan fást í vel flestum varahlutaverslunum á landinu þar sem þetta eru sömu klossar og í volvo 850 að aftan, þannig að ég þarf ekki að byrgja mig upp af þeim, er mjög latur að mynda herlegheitin, en stefni á að gera eitthvað í því þegar hann fer út næst.. ... kveðja svenni

Þarf nokkuð að meðhöndla ónotaða asbest kúplingu sérstaklega, er ekki alveg í lagi að nota svoleiðis djásn??? kveðja svenni

var bent á að ef þú ert með asbest í bíl og ert að þrífa þá er nr 1 að nota grímu og nr2 að vera með góðaryksugu til að hreinsa allt asbest ryk í burtu

Sæl Öllsömul.

Ég veit ekki með asbestið, það var flokkað stórhættulegt, sérstaklega ryk frá asbesti.
Berst víst ofan í lungu og veldur m.a. einkennum sem kallast steinlungu.
Sama áhætta, af öðrum orsökum, er víst fyrir hendi hjá þeim sem vinna á ákveðnum stað í álverksmiðjum.
Samt viljum við byggja fleiri slíkar hérlendis.

Ég var í barnaskóla, þar sem loftið var klætt með asbestplötum. Þær fjarlægðar síðar með miklum tilkostnaði og tilfæringum.
Geymdi Lita Gula Opelinn minn í 10 ár í skúr þar sem hurðirnar voru klæddar asbesti.

Þrátt fyrir þessa umgengni mína við asbest, þá eru lungun í mér fín, ennþá. Er með ansi góða Vo2 max mælingu.

Konan mín sem reykir, stefnir hraðbyri í væga lungnaþembu, og er daman þó rétt fertug.
Asbest var bannað, ekki reykingar.

Varðandi kúpplingu úr asbesti, þá er hún eflaust fín.
Ég var að pakka einni lítið notaðri úr sama efni, niður í kassa um daginn.
Fékk hana með varahlutabíl.
Gerði engar sérstakar varúðaráðstafanir, verkið tók kannski 2-3 mínútur.
Kúpplingingin verður ekki hreyfð úr kassanum næstu áratugina, miðað við minn fornbílaakstur.
Ekki mikil snerting við asbest það.

Man ennþá eftir bremsukossum úr asbesti, sakna þeirra.
Bremsuklossar sem komu í staðinn gera krómfelgur kolsvartar af bremsuklossaryki á nokkrum dögum.

það er reyndar stórhættulegt að umgangast bíla og bílaviðgerðir.
Nokkur dæmi hér að neðan.

Mér skilst, að reglubundin snerting við olíu valdi tölfræðilega aukinni hættu á krabbameini.
Enda nota margir sem gera við bíla á versktæðum í dag einnota gúmmíhanska.
Ekkert kám á hurðum eða stýri lengur eftir verkstæðisheimsóknir. Maður efast stundum um, að eitthvað hafi verið litið á bílinn eftir verkstæðisheimsókn í dag, ef ekki væri reikningurinn.

Blý var fjarlægt úr bensíni, því það olli m.a. heilaskemmdum í börnum, dró úr taugaþroska þeirra eða eitthvað því um líkt.
Bensen var sett í bensín í staðinn, það veldur krabbameini.

Vistvæn bílamálning (bílalakk) komu í umferð fyrir allmörgum árum.
Mun lélegri að endingu, sem þýðir að oftar þarf að laga lakkskemdir en þegar gamla bílamálningin var notuð.
Sem þýðir meiri notkun á bílamálningu, og meiri vinnu fyri bílamálara.
Satt er það, að gamla bílamálningin var afar eitruð.
En sterk og endingargóð var hún, það vita þeir sem þurfa að vinna gamla málningu á bíl fyrir málun.
Sá sem ég og frúin kaupum bílamálningu af, svaraði gagnrýni minni á nýju bílalökkin þannig :
"Hefur þú einhverntíma hitt gamlan bílamálara ? "

Það er vandlifað í þessum heimi.

Kveðja,

Heimir H. Karlsson.

Góður pistill Heimir.

Því miður þá er nokkuð mikið til í þessu með aldurinn á bílamálurunum. Og lélegt mynni virðist loða allnokkuð við þá marga hverja líka.

En merkilegt nokk, að þrátt fyrir astbest, olíur og allt hitt "eitrið" í bílaviðgerðunum þá virðast bifvélavirkjar almennt hafa orðið allra kalla elstir og hraustastir.

FRÁBÆRTTT!!!!! ég er rooosalega ánægður með þig! þakka þér

elska þennan bíl og frábært að vita að hann sé / verði gerður upp.

Var að taka af honum frambrettin og mér til mikillar furðu þá var ekki mikið af skemmdum þar, þegar hann hefur verið tekinn í gegn síðast eflaust fyrir einhverjum 30árum síðan var makað ógrynni af koppafeiti yfir öll samskeyti og verið grunnað undir.... horfið og orðið af drullu þar sem mest hefur mæðst á en pottþétt bjargað miklu... sum staðar var og er feitin eins og ný, er enn að vinna í bremsum og fleiru, sá ljósblái er alveg að verða óökufær vegna heddpakkningarbilunar og rúmlega slapps kúplingsdisks en kúppligssett var ég búin að fá hjá klúbbnum og fer í fjótlega en ég er með smá valhvíða hvort betra sé að taka mótorinn úr fyrst bæði þarf í kúplingu og hedd?

kveðja svenni

mjög flott hjá þér! bara flottur! núna á ég sjálfur opel rekord, Rekord E árg '85