Hér eru nokkrar myndir af uppgerð á Benz sem ég (Andri) og faðir minn (Þór) eigum. Við gerðum hann upp í sameiningu og einnig kom Guðjón betur þekktur sem adler að uppgerðinni.
Uppgerðin tók 2 ár og var hann kláraður fyrir landsmót klúbbsins í sumar.
Saga bílsins er að Ásgeir Sigurðsson keypti bílinn í kringum 1976-1977 í Þýskalandi og var hann þá búin að vera í eigu sömu fjölskyldu frá því að hann var nýr. Hann flutti bílinn til Íslands en gjöld og tollar áttu að vera svo háir að hann flutti hann aftur úr landi og seldi íslendingi búsettum í Luxemborg bílinn. Sá notaði hann ekki mikið og stóð hann inni hjá honum mest allan tímann. Svo gerist það í kringum 1988 að Ásgeir rekst á þennan ágæta íslending útí Lúxemborg og kaupir af honum bílinn og flytur hann heim 1988. Bíllinn er nýskráður 28.06.1988 á Íslandi. Ásgeir selur svo Guðmundi betur þekktur sem Laggi en hann vann á verkstæðinu hjá Ræsi hf.
Ásgeir kaupir hann svo af Guðmundi 26.07.2001. Við kaupum bílinn 31.03.2003. Þá var Ásgeir búin að setja bílinn í uppgerð og var hann í skúrnum hjá Steinari Friðjónssyni sem var að undirbúa hann fyrir málingu. Steinar var búin að rífa þó nokkuð en féll þá frá. Við keyptum því bílinn sundurtekinn.
Bíllinn er ekinn í dag um 120.000 þúsund kílómetra frá upphafi. Smurbók frá upphafi fylgdi bílnum ásamt þjónustubókum. Búið var að mála bílinn einu sinni þegar við fengum hann.
Næstur á dagskrá er svo Mercedes Benz 170 S 1952 en hann er ný kominn frá Californiu og er mjög heillegur en þarfnast uppgerðar.
