Ég ætla að leifa mér að endurvekja hér gamlan þráð um líklega þennan einn nafntogaðasta bíl á Íslandi.
Ég sá "Soffíu" uppá Hvítarbakka í vor, þá í nákvæmlega sama ástandi og haustið 2007 þó vissulega sé geymslustaðurinn betri nú en þá. Þegar öllu er á botnin hvolft þá hefur í raun ekkert gerst. Það má e.t.v. segja að “öll ljós séu kveikt en allir sofnaðir” Hún má bara alls ekki eyðileggjast.
Hér framar bauðst einhver til að gefa vinnu sína við uppgerð bílsins, eina eða tvær helgar ef ég man rétt. Það fær mann til að hugsa hvernig þessum málum er hagað í Bretlandi þar sem þau eru liður í félagsstarfi eldri borgara, en þar geft þeim sem það vilja kostur á uppgerð bíla og tækja stað þess að spila, mála,leira eða lita einsog nú er.
Ég get líka boðið fram vvinnuframlag, þó lítið sem ekkert gagn sé í mér við uppgerð bíla, en langar að varpa fram þeirri hugmynd hvort það myndi ekki samræmast markmiðum Fornbílaklúbbsins að hann beitti sér fyrir svipuðu systemi, ef þannig má að orði komast hérlendis eins og bretar hafa komið á hjá sér.
Og svona að lokum. - hvaða bílum munið þið eftir sem hafa fengið sérnöfn s.s. einsog “Pálína” Páls Arasonar og vafalust einhverra fleiri sem ég þekki ekki.