Spennandi námskeið um forntraktora

[JBV]

Sá í viðaukablaði 24 stunda, um vinnuvélar í gær föstudag, að spennandi námskeið um forntraktora færi fram laugardaginn 11. október n.k.

Meira en járn og stál

Það eru eflaust margir áhgamenn um forntraktora sem leynast á Íslandi en á næstunni verður haldið áhugavert námskeið sem hentar þeim vel. Á námskeiðinu verður fjallað um forntraktora á Íslandi og hvernig má gera þeim til góða, hirða þá og varðveita sögu þeirra sem hluta af menningarsögu sveitanna Áhersla verður lögð á virkni þátttakenda í miðlun reynslu og þekkingar um viðfangsefnið og að efla tengsl þeirra.

Á námskeiðinu verður athygli meðal annars beint að sögu og varðveislu Ferguson-dráttarvéla sem fagna munu 60 ára afmæli hérlendis á næsta ári.

Námskeiðið er haldið í samstarfi við Landbúnaðarsafn Íslands og er opið öllum. Námskeiðið hentar sérstaklega vel þeim sem hafa áhuga á varðveislu traktora en einnig þeim sem vinna við varðveislu forntraktora. Hámarksfjöldi þátttakenda á námskeiðinu er 18 og námskeiðið er haldið laugardaginn 11. október.