Þetta er Cletrac beltadreki sem framleiddur var fyrir Ameríska herinn frá 1942 til1945. Hann var sérstaklega útbúinn til að aðstoða flugvélar á flugvöllum, með spili , stórum rafal og loftpressu og var á gúmmíbeltum.
Þennan dreka átti Björgunarsveitin Víkverji í Vík í Mýrdal. Hann var notaður við leitina að Gullskipinu á Skeiðarársandi. Er nokkur sem þekkir sögu þessa Dreka hér á landi. Kom hann hingað á stríðsárunum eða var hann fluttur inn seinna. Er nokkur sem veit hvort beltin undan honum séu enn til og eitthvað fleira þeim viðkomandi . Hann var fluttur norður í Eyjafjörð til varðveiðslu nú í vikunni.