Vá þetta hefur verið flottur bíll hjá þér Þórður !
Minn bíll fór nýr á bóndabæ nálægt Kópaskeri og var hjá eiganda sínum allt til þess að númerin voru lögð inn og bíllinn afskráður. Þetta myndi hafa verið kringum 1995... Hann er með 4cyl vélinni, svokölluð hálfátta, var þessi vél kölluð. Hann stóð svo inni hlöðu í 9 ár hjá bónda þessum. Það skrýtna er að bíllinn var ekki afskráður vegna bilunar, hann er þvert á móti í ótrúlega góðu lagi, nema boddý ryð er orðið talsvert núna. Bíllinn er ekinn 67 þús km og kram er í nánast fullkomnu lagi, ekki til slit í einu eða neinu, ég keyri hann um landareignina mörgum sinnum á ári, en bíllinn er í Mývatnssveit, þar sem ég er uppalinn, þótt ég búi í Rvk.
Ég er því annar eigandi þessa bíls, þótt ótrúlegt sé. Hef ekki hugsað mér að setja hann á númer aftur, frekar að halda honum við og njóta þess að eiga alvöru jeppa !!