Sælir félagar,
Eins og kannski sumir ykkar hafa séð á stuttum þráð á "Markaðsumræða" hlutanum, þá hef ég eignast merkilegan Ford herjeppa sem hefur staðið inni í bílskúr í Hlunnavogi, Rvk síðan 1963!
Fyrri eigandi bílsins, Björn Briem, fluttist frá Sauðárkróki til Reykjavíkur sumarið 1963. Hann keyrði í bæinn, sennilega alsæll á jeppanum sínum sem hann virðist hafa keypt beint af hernum 1945.
Svo virðist sem að Björn heitin hafi lagt jeppanum í skúrnum árið 1963 og ekki notað hann meira, en alltaf staðið til að géra hann upp. En við vitum öll að stundum standast ekki allar óskir okkar.
Björn andaðist seint á síðasta ári. Það var alltaf ósk hans að gera jeppann upp. Hans líf virðist hafa vera mikið tengt jeppanum samkvæmt ættingja sem ég talaði við. Hann var með marga hluti úr jeppanum uppi í risíbúðinni sinni og inn í fataskáp fann ég upprunalega skráningarskírteinið sem að fylgir "1963" skoðunanmiðanum.
Svona var hann þegar að bílskúrshurðin var opnuð, sem var sennilega í fyrsta skipti í nokkra áratugi..