Dodge Carryall Gríms á Björgum

[Offari]

Bara af því að konan er úr Fnjóskadal (Hrísgerði)langar hana að vita á hvaða bæ þú fékkst að vera í sveit.

[Hinrik_WD]

Sæll,

Ég var í sveit í 3 sumur hjá Jóni heitinum Ólafssyni á Kirkjulæk III í Fljótshlíð. Amma gamla og Óli pabbi Jóns voru uppeldissystkini, en hún heldur að ég hafi í "fyrralífi" (fyrir þá sem trúa á það) verið Þýskur flugmaður sem fórst á Íslandi, og sel ég það ekki dýrara en ég keyfti það!

[Hinrik_WD]

Hérna er mynd sem sýnir vel hverning að Carryall framglugginn var opnanlegur:



Þetta er Carryall trukkur Dan Dolan vinar míns í Ameríku. Grímsi verður einn daginn svona:

[Siggi Royal]

Sæll Starri. Ef konu þína langar að vita hvar ég var í sveit í Fnjóskadalnum, þá var það á Ytra Hóli hjá Benedikt Karlsyni.

[Jón Hermann]

Sælir,

Ég er búin að tala við Einar Finnsson sem fékk Funhöfða Carryallinn frá Einari í ET. Hann segir að bíllinn hafi horfið af planinu einn daginn. Ég talaði við eigendur 2 fyrirtækja sem voru þarna á þessum tíma, ef ské kynni að honum hafi verið hent í hreinsunarátaki, en þeir muna ekki eftir því og lítið eftir bílnum. Hann er sem sagt horfin sem er leitt.

Jón, manstu í hvaða geymslu þú fluttir þetta?

Alltaf lagast það en nú lítur umræðan þannig út að bílnum hafi verið stolið bíllinn hafði verið settur út þegar Einar Finns skilaði af sér húsnæðinu á Funahöfðanum og í framhaldi af því bað Tryggvi mig að sækja bílinn og fara með með hann í Lyngásinn þar sem ET var með verkstæði í mörg ár hvað varð um hann eftir það veit ég ekki en meiningin á bak við það að fara með bílinn í Garðabæinn var sú að hann yrði ekki eiðilagður.

[Hinrik_WD]

Það var ekki ætlun mín að segja að honum hefði verið stolið, enda er það ósennilegt og líklegra að honum hafi verið komið fyrir á betri stað. Mig langar bara að finna hann, ef hann er ennþá til.

Mér hefur tekist að finna og kaupa efri aftari hleran og efri og neðri hjarinar. Þetta eru partar sem liggja ekki á lausu. Neðri hleran er Jaap vinur minn í Belgíu að reyna að fá fyrir mig. Hann var með einn um daginn þegar að ég var hjá honum, en hann var frátekin.

[Hinrik_WD]

Ég komst í sambandi við Jóhann Zoëga á Neskaupstað. Reynir Zoëga faðir hans eignaðist Dodge Carryall sem bar númerið N-7 aðeins átta ára gamal árið 1950. N-7 var mjög upprunalegur en Því miður er hann ekki til lengur, en Jóhann sendi mér þessar myndir sem hann gaf mér leyfi til að deila með ykkur. N-7 var notaður mikið í ferðalögum og var um tíma aðal torfærubíllinn í bænum hjá þeim.

[Hinrik_WD]

N-7 fastur:







Ferðalag inn að Herðubreið;

[Ásgrímur]

einn flottur http://www.geirinn.is/galleri/gamlar-my ... d-f3l.html

[Hinrik_WD]

Ásgrímur,

Takk fyrir að bæta þessari skemmtilegu mynd við þráðinn. Takið eftir að bæði fram og aftur brettin eru breytt með því að sjóða við hliðarplötur. Og að þessi Carryall er enn með upprunalegu aftur-glugga niður halarana.

Kv

Hinrik

[kaiser]

Man eftir svona bíl í portinu hjá Allrahanda á höfðanum fyrir mörgum árum og lýka í vesturvörinni í Kópavogi gæti hafa verið sami bíllin

[Gunnar Örn]

einn flottur http://www.geirinn.is/galleri/gamlar-my ... d-f3l.html

Maður segir nú bara "Utanvegaakstur", Er það eitthvað ofan á brauð?

[Anton Ólafsson]

Hvað segir þú um þetta Hinni?

[Hinrik_WD]

Sæll,

Þetta er WC-51 eða 52 sennilega, án efa 42 módel. 3/4 ton trukkur.
Er grind með þessu?

Kv

Hinni

[Anton Ólafsson]

Það var nú ýmislegt þarna í grasinu.

Þarna er væntanlega hernúmmerið ennþá á húddinu.


Er þetta hvalbakurinn við þetta?