Dodge Carryall Gríms á Björgum

[Hinrik_WD]

Tómas á eina Ben Hur kerru í original standi. En það voru nokkrar gerðir af þeim:

http://en.wikipedia.org/wiki/Ben_Hur_trailer

Ég setti auglýsingu í Bændablaðið að óska eftir Willys og Vípon pörtum og fékk svör við því. þar á meðal frá manni sem heitir Óskar fyrir austan sem ég þvií er búin að týna númerinu hjá sem var með Ben Hur kerru.

Þetta Vípon grams fékk ég á hjá Eyjólfi á Pétursey við Vík:



Afturhásing, 2 gírkassar, 1 millikassi, kúplingshús, Zenith 29 blöndungur, fjaðrir ofl ofl. Þegar að ég spurði Eyjólf um verð, þá sagði hann að ég mætti bara eiga þetta, en að hann vildi samt hafa það sem skilyrði að hann fengi einn daginn að keyra Die Hard Halftrackinn minn, sem að var sjálfsagt mál

Eyjólfur við gamlan bragga af vellinum sem var lengi vel samkomuhús fyrir austan:



Að baka til við Vípon grams:



Og inn í "samkomustaðum" gamla:

[Björgvin Ólafsson]

Tómas á eina Ben Hur kerru í original standi. En það voru nokkrar gerðir af þeim:

http://en.wikipedia.org/wiki/Ben_Hur_trailer

Ég setti auglýsingu í Bændablaðið að óska eftir Willys og Vípon pörtum og fékk svör við því. þar á meðal frá manni sem heitir Óskar fyrir austan sem ég þvií er búin að týna númerinu hjá sem var með Ben Hur kerru.

Er það ekki Óskar Benediktsson í Beinárgerði?

kv
Björgvin

[Ramcharger]

Nú langar mig að forvitnast.
Hvaða týpa af gírkössum voru í
þessum gömlu Dodge trukkum?

Ég átt Dodge Ram "74
og hann var með 3ja gíra
New Process með einum
xtra lágum.

Svona að sjá á myndinni
þá líta þessir kassar eins út.

[Siggi Royal]

Varðandi fremmri Karíólinn myndinni hér á undan, myndi ég halda að þetta sé yfirbyggður "Comand". Ég man eftir því að sumir byggðu yfir þá hús, sem fylgdu blæju forminu og fór beint á skúffuna og var þá hallandi afturrúða og örlítið skott, einsog á orginal skúffunni. Í Ystafelli var svona yfirbyggður offiséravípon, einsog þeir voru kallaðir. Mjög heill bíll. Hann fór til Reykjavíkur. Fyrir einhverjum árum sá ég hann standa fyrir utan bílskúr í götu við Laugarnesskólann. Fyrsti bíll föður míns var svona offíséravípon, sem hann keypti árið 1949 og kostaði heilar 14000 þús. Hann var með fallegu eikar fulningahúsi. Byggt beint á skúffuna.

[Gaui]

Hérna er ein gömul.

Fremri bíllinn er 1/2 ton WC, hugsanlega pick up sem búið er að smíða Íslenskt hús yfir. Aftari bíllinn er 1/2 WC Carryall, en búið er að færa staðsetninguna á varadekkinu. Báðar kerrurnar eru standard herjeppa kerrur annað hvort Willys Overland "MBT" eða af American Bantam car co."T3-C"

Mér hefur alltaf fundist þessir bílar einna flottast teiknaðir (ef þeir voru þá teiknaðir) af þessum WW2 herbílum, eitthvað virkilega "sjarmerandi" við línurnar.
Svo ég haldi nú áfram með þetta, það eru ekki margir svona stærri bílar sem þola það að vera einlitir, og það jafnvel í ljósum lit, og halda "sjarmanum" sbr. Bíllinn frá Ingólfi heitnum.

[Helgi]

Hérna er ein gömul.

Fremri bíllinn er 1/2 ton WC, hugsanlega pick up sem búið er að smíða Íslenskt hús yfir. Aftari bíllinn er 1/2 WC Carryall, en búið er að færa staðsetninguna á varadekkinu. Báðar kerrurnar eru standard herjeppa kerrur annað hvort Willys Overland "MBT" eða af American Bantam car co."T3-C"

Það er að segja ef þessi mynd er ekki speygluð............

Á þá væntanlega að vera svona

[Z-414]

Mér finnst alltaf skemmtilegt hvernig menn íslenskuðu nöfnin á þessum bílum.
Dodge "Carry-all" > "Karríól"
Dodge "Weapons Carrier" > "Vípon"

Eyvi í Pétursey er mikill öðlingur. Víponinn í Pétursey var notaður sem skólabíll í Mýrdalnum þegar ég var strákur, hann kom með krakkanna úr vestari hluta Mýrdals austur að Ketilstaðaskóla en við sem komum austan megin frá vorum keyrð í "ruslatunnu" rússa.

[Hinrik_WD]

Nú langar mig að forvitnast.
Hvaða týpa af gírkössum voru í
þessum gömlu Dodge trukkum?

Ég átt Dodge Ram "74
og hann var með 3ja gíra
New Process með einum
xtra lágum.

Svona að sjá á myndinni
þá líta þessir kassar eins út.

Ég held að gírkassarnir hafi verið eins á 1/2 ton og 3/4 ton bílunum. Þarf að lesa mér betur til um þetta.

[Hinrik_WD]

Hérna kemur merkilegt skjal frá Friðþóri Eydal, list yfir alla bíla sem að Ameríski herinn hafði á Íslandi, 1943. Fremri talan er max leyfilegur fjöldi, en aftari talan var magnið sem að þeir höfðu. Til dæmis 42 stk af Carryall. Kom mér líka á óvart að sjá að þeir vorum með 12 Ford GPA vatnajeppa, en leyfar af einum svoleiðið á að vera grafið í jörðu einhver staðar í Borgarfyrði.

[Hinrik_WD]

Íslenska ríkið keyfti 974 bíla af hernum af þeim ca 4000 sem voru í landinu. Restin var send aftur til USA eða til Bretlands.



Gaman af þessu skjali sem var tilboð frá E. Vilhjálmsson að selja bílana fyrir þá og sölulaunin voru 100 kr per bíl. E.V. og Ræsir virðast samkvæmt þessu skjölum hafa verið söluaðili fyrir þessa bíla.

[Hinrik_WD]

Hérna sést að Póstur og sími kaupir 1/2 ton Carryal raðnúmer 8655475 á 17.500kr Davíð Þorsteinsson kaupir Ford jeep á 7000kr.

[Gaui]

Hérna kemur merkilegt skjal frá Friðþóri Eydal, list yfir alla bíla sem að Ameríski herinn hafði á Íslandi, 1943. Fremri talan er max leyfilegur fjöldi, en aftari talan var magnið sem að þeir höfðu. Til dæmis 42 stk af Carryall. Kom mér líka á óvart að sjá að þeir vorum með 12 Ford GPA vatnajeppa, en leyfar af einum svoleiðið á að vera grafið í jörðu einhver staðar í Borgarfyrði.

Ja hérna, ég segi nú bara "allann andskotann kemst þú yfir".
Ég held að leyndamálið sé leyst
Hinrik er ekki einn maður, þetta er nafn á stofnun, sem sérhæfir sig í að safna menningarverðmætum frá þeim tíma sem flesti virðast vilja gleyma og má yfir.

[Siggi Royal]

Sæll Hinrik. Á spjallinu "Bílaleit", er þráður, sem heitir Dodge Carry all, þar er sagan um Grím og Karíólinn.

[Hinrik_WD]

Gaui: takk fyrir þetta hrós. Ég er ekki nema 39 ára en er samt búin að safna minjum tengdum hernámsárunum í ca. 20 ár. Í stykkjum talið á ég sennilega mest af ljósmyndum, eða ca. 3000 myndir, allt frá Íslandi 1940-1945, mest allt áður óbirt og 95% fengið erlendis frá með ærinum kostnaði, en það hleypur á tugum milljóna sem ég er búin að setja í þetta safn mitt.

Siggi: Ég birti hérna söguna sem þú skrifaðir undir bílaleit:

Nú gladdist mitt gamla hjarta að sjá þennan bíl uppistandandi. Ég var tólf ár í sveit á sumrum í Fnjóskadal og þekkti til þessa Karíóls vel. Eigandi hans var Grímur Sigurbjörnsson, lengi heimilisfastur að Björgum í Köldukinn og fylgdust þeir að, jafnvel um áratuga skeið Grímur og Karíólinn, en Grímur kvæntist ekki, en var velliðinn og allstaðar velkominn í sveitum Suður Þingeyjarsýslu og víðar. Karíólinn fylgdi honum ávallt. Eina sögu heyrði ég af samskiptum þeirra Gríms og Karíólsins. Haust eitt, seint, urðu menn í Köldukinn þess varir, þó fannfergi væri mikið, að aldrei sást til ferða Gríms og Karíólsins.

Voru þeir fóstbræður þó ekki vanir að láta slíkar smá fyrirstöður hefta sig ef menn og bíll áttu erindi af bæ. Fóru nú nokkrir valinkunnir menn þar i sveit heim að Björgum, til hyggja að Grími og Karíólnum. Hittu þeir Grím og spurðu hverju þetta ferðaleysi þeirra sætti, en Karíólinn stóð þögull á hlaðinu. En menn höfðu orð á því, að hann væri orðinn undarlegur til fótanna. Spurðu þeir Grím hverju sætti, að hann kæmi ekki lengur á bæi. Kom þá svarið. Það er kominn einhver ókind í þann gamla eða lurða.

Ef ég set hann í framdrifið, til að kljúfa skaflana, þá byrjar hann að engjast eins og yxna belja og gírkassinn ætlar uppúr gólfinu. En þegar hann kemst í snjóinn, þá verður allt hálfu verra, því þá skautar hann framhjólunum og stýrið hættir að virka og við lendum ofan í skurð og ég verð að sækja traktorinn til að ná honum á þurrt.

Fór nú ýmsum að gruna margt, sem þóttust hafa bílavit og fóru út að hyggja að Karíólnum. Kom þá hið sanna ljós. Grími hafði, snemmsumars, áskotnast tvö forláta óslitin torfærudekk á military skrúfuðum Wípon felgum. Setti hann dekkin undir að aftan. Kom þá ljós að afturhjólin voru 900x16, en framhjólin 750x16. Var þetta snarlega leiðrétt og urðu ferðalög þeirra félaga snurðrulaus eftir það

[Hinrik_WD]

Ég kom við hjá Jaap félaga mínum í Belgíu um daginn og verslaði af honum smá NOS Dodge parta grams. Allt í óopnuðum kössum. Takið eftir bensínlokinu á Carryall inn, eins og nýtt:







Einnig átti hann til framgluggan sem var upprunalega opnanlegur á þessum bílum, en svo viriðst sem að það hentaði ekki vel fyrir Íslenskar aðstæður því að búið er að breyta þessu á öllum Carryall bílum sem ég hef séð hérna heima. Þessi gluggi er úr Power wagon en er alveg eins, þarf að hnoða á 2 festingar og bæta við læsi stykkinu að neðan þá er hann eins og herútfærslan: