Yfirbyggðir Willys jeppar

[Þorkell]

Þessi þráður er hugsaður til að fá myndir af sem flestum gerðum húsa á Willys jeppum og helst upplýsingar um hver smíðaði húsið ef vitað er.
Hér er Willys árg 1946 í minni eigu og er mér sagt að þetta hús hafi verið smíðað í Fljótshlíðinni.

[Z-414]

Þessi hússmíði er hluti af Íslenskri bílasögu og eitthvað sem þarf að passa að glatist ekki, og það var ekki bara smíðað yfir Willis, talsvert var líka smíðað á Rússana og einhverja fleiri.

[Heimir H. Karlsson]

Sæl Öllsömul.

Skemmtilegt að byrja með svona spjallþræði um íslensk byggð og hönnuð jeppahús.

Áhugaverður bíll þarna á ferð.

Ég tek eftir því, að þarna eru notair gúmmílistar kringum rúður, þar er svona þróðaðri aðferð en þær sem maður hefur séð á öðrum (eldri ?) gerðum af íslenskum yfirbyggingum.

Hvenær var byrjað að nota gúmmílista kringum rúðurnar í íslenskri yfirbyggingasmíði af þessari tegund ?

Kveðja,

Heimir H. karlsson.

[Siggi Royal]

Ekki get ég sagt með neinni vissu hvort húsið er frá Agli eða ekki, þó finnst mér ljóst að það er mun yngra en bíllinn, Kringum 196o, til þess bendir gluggastærðin og það er ekki með "rassskellingahurðum". Um leið og bílasmiðir fóru að klæða timburgrindina í húsunum með boddýstáli, þá gátu þeir notað gúmmílista. en í hurðunum voru niðurskrúfaðaðar rúður, þannig að gúmmílistarnir eru falskir, sem mér finnst bara benda til smekkvísi.

[Heimir H. Karlsson]

Sæl Öllsömul.

Sæll Siggi Royal.

Hmm.. hefði átt að gerta sagt mér það sjálfur, gúmmílisti fyrir rúðu passar ekki alveg við timburverk, eða gegnir a.m.k. ekki sínu hlutverki þar. Hentar hins vegar vel með blikkinu. Og já, mér finnst það smellpassa að hafa falska gúmmílista í rúðum á hliðarrúðum, er nauðsynlegt up á heildarútlit.

Eitt af mörgu skemmtilegu við þessa íslenskt yfirbyggðu bíla er, að þeir hafa næstum hver sitt persónueinkenni, svona eins og rollurnar í sveitinni, fáir þeira alveg eins.

Kveðja,

Heimir H. Karlsson.

[Þorkell]

Nokkur hús í viðbót.

[Sigurbjörng]

Nokkur hús í viðbót.

Þessi blái í miðjunni er nokkuð flottur. Ætli hann hafi verið lengdur? eða sé cj6

[catzilla]

Nokkur hús í viðbót.

Þessi blái í miðjunni er nokkuð flottur. Ætli hann hafi verið lengdur? eða sé cj6

ég myndi skjóta á að hann hafi verið lengdur, ef þú skoðar myndina þá er eins og maður sjái samsetninguna á skúffuni örlítið aftan við hurðina og svo hjá hjólgatinu en með þennan neðsta ætli Kristinn vagnasmiður í Reykjavík hafi smíðað húsið á hann, samanber 3 stansaðar rendur í hliðinni, er það ekki rétt hjá mér að það er svokallaður ísraels bíll eða cj3b, sem er þá með hækkað húdd til að koma hurricane fyrir

[Siggi Royal]

Bæði cj5 jeppinn og "cj6" eru með Egils húsum. Hvort sá langi er orginal cj6 eða lengdur cj5 er öllu erfiðra að sjá. Þó eru atriði, sem gætu bent til að hann sé cj6. Nefni ég þá helst að samsetning á skúffunni virðast sýnileg, en hún sést greinilega á nýjum cj6 og svo hitt að hurðin fylgir blæjulínunni. Á cj5 jeppum, sem Egill breytti í cj6, sést engin samsetning og hurðargatið skorið beint niður að gólfi til að auka aðgengi aftur í jeppann.

[JBV]

Skemmtilega hannaðir afturgluggarnir á þessari yfirbyggingu

[Siggi Royal]

Þessi cj2 gæti verið með svokölluðu Múlahúsi, en þeir munu hafa smíðað hús með svona gluggum. Einnig voru þeir með svona trabissu löguðu hjólgati í skúffunum til samræmis við frambrettin.

[hallif]

Ef ykkur vantar hús á jepp þá er eg með 2 hús sem eru búinn að standa inni siðan um 72 sem ég ætla að láta frá mer, þau eru af GPW 42,MB 41.
KV

[Þorkell]

Þessa mynd fann ég á fésinu. Skemmtileg útfærsla. Húsið var úr plasti og er frá 1950 eitthvað.

[hallif]

Sælir
Mig langar að fá skoðun ykkar á því hvaða tegund af húsi er á þessum bíl. Ég set hér inn 2 myndir af gripnum.

[Siggi Royal]

Þetta er svokallað Stillishús, en þau voru að ég held fyrstu fjöldaframleiddu húsin á Cj2a. Þau voru einsog sjá má einföld og létt og orginal blæju framrúðustykkið var notað áfram. Einneginn var hlerin að aftan látinn halda sér.