ford prefect

[Siggi Royal]

Ford sidevalve owners club
http://www.fsoc.co.uk/index.html

Ford Prefect, einn af vinsælustu bílum á Akureyri eftir stríð. Kallaður "júnior". Á stærð við bjöllu, með 1172 cc mótor 34 hestöfl, kallaður 10 hp, samkvæmt RAC mælingum, opinberum. "skattamál í bretlandi", skattur af bílum í Bretlandi á þessum tíma var reiknaður út frá stærð vélar. Átti sjálfur tvo svona bíla og gaf þá báða að Ystafelli. Er samkvæmt breskum heimildum, fyrsti Fordinn, til að bera seinna nafn, það er, Prefect. Ford hét alltaf A, B, T, eða slíkt. Kom fyrst fram 1937 og var framleiddur undir þessu nafni til 1961. Er af mörgum bretum sagður faðir Cortínunnar. Bretar, eins sérstakir og þeir eru, stofnuðu klúbb utan um mótorinn í þessum bíl, því hann var notaður í allan andskotann. Ford sidevalve owners club. Átti bróður í þýzkalandi, sem kallaður var "Eifel".

[Sigurbjörn]

fróðlegur pistill hjá þér

[Siggi Royal]

Þessi skattastefna breskra stjórnvalda hafði gífurleg áhrif á bílaiðnaðinn. Hún varð meðal annars til þess, að breskir bílar, sérstaklega alþýðubílar voru upp til hópa vélvana. Þó var eitt ljós í myrkrinu. Stórnvöld fólu RAC, the royal automobile club, einum elsta og virtasta bíla klúbb heims að meta vélarstærð bifreiða. Þeir góðu menn gátu þó bjargað miklu, með því að þeir fundu upp ný hestöfl, sem voru mun stærri en raunverleikinn var. Þá urðu til 8hp, 10hp, 12hp, 14hp, 16hp og svo framvegis. Til dæmis varð Ford model A 14hp, eftirað settar höfðu verið í hann þrengri slívar, til að minnka rúmmálið. Þetta viðgengst í Bretlandi fram yfir miðja síðustu öld. Þannig var t.d. Ford Prefect 10hp, en var í raun 34 hestöfl, samkvæmt nútíma mælingu.

[Siggi Royal]

Alveg merkilegt, það virðist enginn hafa áhuga á þessum gömlu góðu evrópsku bílum, sem settu þó hjólin undir alþýðuna á Íslandi. Heldur þunga ameriska dreka með krómislegin stel, sem flestir komu úr hermanginu. Það verður þó að viðurkennast, að konur voru meðfærilegri í aftursæti á Buick Roadmaster, en Morris 10.

[Sigurbjörn]

[Björgvin Ólafsson]

Alveg merkilegt, það virðist enginn hafa áhuga á þessum gömlu góðu evrópsku bílum, sem settu þó hjólin undir alþýðuna á Íslandi. Heldur þunga ameriska dreka með krómislegin stel, sem flestir komu úr hermanginu. Það verður þó að viðurkennast, að konur voru meðfærilegri í aftursæti á Buick Roadmaster, en Morris 10.

Sennilega rétt hjá þér, allavega með aftursætin

Annars var ég að taka uppáhaldið mitt núna í brúk, en hann er kannski ekki eins gamall þó evrópskur sé.



kv
Björgvin

[Siggi Royal]

Gaman að sjá einn svona fínan Escort. Þetta eru aldeilis frábærir aksturs bílar. Liggja bíla bezt. Vinur minn átti einn svona þýzkan. Hann var með ferköntuðum framljósum og að mig minnir með tvískiptum framstuðara. Kanntu einhverja skýringu á þessum mun.

[Björgvin Ólafsson]

Gaman að sjá einn svona fínan Escort. Þetta eru aldeilis frábærir aksturs bílar. Liggja bíla bezt. Vinur minn átti einn svona þýzkan. Hann var með ferköntuðum framljósum og að mig minnir með tvískiptum framstuðara. Kanntu einhverja skýringu á þessum mun.

Já þeir eru slíkt himneskir, það halda allir að ég sé að djóka þegar ég segji mönnum hvað það sé gott að keyra hann

Annars er þetta árgerða munur með ljósin og svo var GT, Sport og Mexico týpan með litlum stuðurum á hornunum - ekki ósvipað og GM hermdi svo eftir með SS Camaro í upphafi áttunda áratugarins.

Það er einn svona ljósblár einnig hér í bæ með ferköntuðu ljósunum, ekinn 23 þús. síðast þegar ég vissi. Hann er þó breskur en minn þýskur.

kv
Björgvin

[Siggi Royal]

Mig minnir að Escort nafnið hafi fyrst komið fram í kringum 1955, þá sem station útgáfa af Prefect og Anglíu. En kom þessi fram fyrst 1968 ?

[Heimir H. Karlsson]

Sæl Öllsömul.

Gaman að sjá að A 915 er ennþá til.

Ef ég man rétt þá var oft einhver eldri maður á þessum bíl.
Gaman að sjá að bílnum var ekki hent, eins og kom fyrir marga vejulega brúksbíla frá æskuárum mínum.
Hreinsunardeild Akureyrarbæjar varð sem betur fer ekki virk fyrr en seint á 8. áratugnum.

Man óljóst eftir bílnum þegar ég var að alast upp á Akureyri.
Bíllinn var við eonhverja götuna sem ég átti ansi oft leið hjá

Til hamingju með þennan !
Fallegur að sjá.
Fer hann ekki á sýninguna í næsta mánuði ?

Kveðja,

Heimir H. Karlsson.

[Björgvin Ólafsson]

En kom þessi fram fyrst 1968 ?

Já

kv
Björgvin

[Björgvin Ólafsson]

Sæl Öllsömul.

Gaman að sjá að A 915 er ennþá til.

Ef ég man rétt þá var oft einhver eldri maður á þessum bíl.
Gaman að sjá að bílnum var ekki hent, eins og kom fyrir marga vejulega brúksbíla frá æskuárum mínum.
Hreinsunardeild Akureyrarbæjar varð sem betur fer ekki virk fyrr en seint á 8. áratugnum.

Man óljóst eftir bílnum þegar ég var að alast upp á Akureyri.
Bíllinn var við eonhverja götuna sem ég átti ansi oft leið hjá

Til hamingju með þennan !
Fallegur að sjá.
Fer hann ekki á sýninguna í næsta mánuði ?

Kveðja,

Heimir H. Karlsson.

Takk fyrir það, þessi bíll var keyptur nýr í gegnum BSA og það var frændi minn hann Villi á Vegamótum (Dalvík) sem átti hann svo alla sína tíð. Hann kom þó reglulega í "kaupstað" og því ekki ólíklegt að þú hafir séð hann hér á Akureyri - væntanlega þá í Ránargötu þar sem ég bý í dag

Annars er ég búinn að eiga hann í rúm 14 ár en tek samt enn glaður við hamingjuóskum

kv
Björgvin