af Heimir H. Karlsson » 26 Júl 2012, 00:43
Sæl Öllsömul.
Var á Akureyri í seinustu viku.
Nokkuð af eldri bílum þar, á gömlu svörtu númeraplötunum í umferð.
Ekkert sem heillaði mig, mest allt bílar framleiddir í landi sem ég í bílafordómum mínum vill ekki sjá. Tók þess vegna engar myndir.
Skal samt viðurkenna að það var gaman að sjá þá.
Sá þó einn appelsínugulan Skoda ofarlega í Helga-Magra stræti, bíllin sést vel frá Þingvallastræti, eiginlega beint á móti Sundlaug Akureyrar.
Bíll í notkun.
Að venju var drappliti Subaru-inn á bílaplaninu við Íþróttamiðstöðina (Tunnuna) hjá Sundlaug Akureyrar.
Sá bíll virðist vera í fullri notkun, vetur sem sumar, og sér lítið á honum.
Því má eflaust þakka norðlenskri greind og gáfnafari, að ógleymdum ökuhæfileikum, að salta ekki götur bæjarins að vetrarlagi !
Umrædur Subaru hefur þó greinilega verið málaður einu sinni, það vantar nokkur merki sem voru á honum fyrir nokkrum árum, og ryðblettir í hjólskálum og afturhlera eru horfnir, ef ég man rétt.
Getur einhver sagt mér meira um þann bíl ?
Að venju var VW Bjallan sem stendur á bílastæði á móti Ísbúðninni Brynju í innbæ Akureyrar á sínum stað, ekki mkið meira ryðguð en venjulega, en það bætist hægt og róleg við samt. Áhugaverð árgerð, hallandi framljós og allar rúður sléttar. Var að bera þessa árgerð VW saman við hann "Kríla" sem ég á.
Veit af einum "Kríla" á Dalvík, þökk sé Sigurbirni fornbílagúrú.
Hafði ekki tök á því að skreppa til Dalvíkur, ekki heldur til Ólafsfjarðar að skoða Opel Kapitan.
Skoðaði Opel Rekord A flak og Opel Kadett B í þessari ferð líka.
Tók myndir, þær koma kannski seinna.
Komst að því að grunngerð Kadett B er vel rúmum 100 kílóum léttari en Litli Guli Kadett-inn minn. Eða næstum jafn léttur og "Kríli"litli, Kadett A. Ég veit að það munar um stóra vél og skiptingu, en ég vissi ekki að það væri svona mikill munur.
Á heimleiðinni var litið við í Samgönguminjasafninu að Stóragerði, það fer stækkandi.
Skemmtilegt að sjá.
Bilar að sunnan farnir að berast safninu að Stóragerði.
Merkileg hringferð gamalla bíla á Ílsandi, þeir eru hirtir upp úti á landi, fluttir með ærnum tikostnaði til Reykjavíkur, gerðir upp og enda að lokum á safni úti á landi.
Á Akureyri er Jói Rækja með Mótorhjólasafn Íslands, það er opið, þó ekki sé það fullklárað.
Fengum að skoða það í fyrra, þó ekki væri formlega búið að opna þá.
það verður farið aftur að stað í aðra fornbíla- og bílflakaskoðun þegar tími, veður og peningar leyfa.
þangað til eru allar ábendingar um athyglisverað staði með bílflökum eða gömlum bílum norðanlands vel þegnar.
Set inn myndir seinna, eða á Facebook síðuna mína.
Kveðja,
Heimir H. Karlsson.
Heimir H. Karlsson.
=====================
Opel Kadett B Coupe F Rallye 1971
Opel Kapitan L 1959
Opel Kadett A 1965
Opel Manta A 1973
Opel Rekord B Caravan 1966